Эдийн засаг

Тусгай зөвшөөрлийн төлбөрөөс найман тэрбум төгрөг төвлөрүүлжээ

uul uurhai

Хайгуулын тусгай зөвшөөрөл хүссэн өргөдлийн дугаарыг цахим хэлбэрээр олгож эхэлсэнээс хойш нийт 874 аж ахуй нэгж /ААН/ Ашигт малтмалын газар /АМГ/-т бүртгүүлээд байна. Нийт бүртгүүлсэн аж ахуйн нэгжүүдийн 817 нь дотооддын хөрөнгө оруулалттай, 45 нь гадаадын 100 хувийн хөрөнгө оруулалттай /БНХАУ-17, Сингапур-9, Австрали-4, Канад-3, Люксенбургийн вант улс-3, бусад-9/ үлдсэн 12 нь хамтарсан хөрөнгө оруулалтай компаниуд байна. Ингээд шинээр 136 тусгай зөвшөөрлийг аан-үүдэд олгожээ. Мөн тусгай зөвшөөрөл олгох боломжтой 492 өргөдлийг холбогдох аймгийн засаг даргаас санал авахаар АМГ-аас мэдэгдэл хүргүүлсэн байна.

Өнгөрөгч наймдугаар сарын 21 ний өдрөөс ашигт малтмалын хайгуулын болон ашиглалтын 106 талбайд тусгай зөвшөөрөл олгох сонгон шалгаруулалтын ажил дахин эхэлсэн. Өнөөдрийн хүртэл долоон удаагийн сонгон шалгаруулалт явагдсан байна. Сонгон шалгаруулалтын дүнд 34 талбайд шинээр хайгуулын тусгай зөвшөөрөл олгожээ. Харин нэр бүхий найман талбайд өнөөдрийг хүртэл огт санал ирүүлээгүй байгаа юм. Мөн энэ оны эхний 4-н сарын байдлаар тусгай зөвшөөрлийн төлбөрөөс 8.95 тэрбум төгрөг, үйлчилгээний хөлсний төлбөрөөс 431 сая төгрөг, хайгуулын тусгай зөвшөөрлийн эрх олгох үйлчилгээний хөлсөөр 270 сая төгрөг зэрэг нийт 10.3 тэрбум төгрөгийг улсын төсөвд төвлөрүүлсэн талаар өнөөдөр болсон Ил тод уул уурхайн үеэр Уул уурхайн сайд Р.Жигжид мэдээллээ.

Э.БҮҮВЭЙ

Show More

Related Articles

Сэтгэгдэл бичих

Уншигчдын бичсэн сэтгэгдэлд UBTIMES.MN хариуцлага хүлээхгүй болно. ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Close