Цахим сенсаци

Э.Сноуденийг оюутны төлөөлөгчөөр сонголоо

Э.Сноуденийг Шотландын Глазго хотын их сургуулийн оюутнууд өөрсдийн төлөөлөгчөөр сонгожээ. Оюутнууд энэ үйлдлээрээ түүнтэй эв санаа нэгтэй байгаагаа илэрхийлэхийг хүссэн бөгөөд Э.Сноуденийг ардчиллын эрх, эрх чөлөөний тухай санал бодлоо илэрхийлээч гэж хүссэн байна. Гэсэн хэдий ч зарим оюутан Э.Сноуден Шотландад ирэх боломжгүй тул тэдний эрх ашгийг хамгаалж чадахгүй хэмээн шийдвэрийг эсэргүүцсэн байна. Глазго хотын их сургуулийн оюутны төлөөлөгчийг 1400-аад оны үеэс сонгож эхэлсэн бөгөөд гурван жилийн хугацаагаар сонгодог аж. Төлөөлөгчөөр сонгогдсон хүн сургуулийн удирдах зөвлөлд оюутны эрх ашгийг хамгаалдаг аж. Тус сургуулийн оюутны ректороор урьд нь Израйлийн цөмийн хөтөлбөрийн нууцыг олонд ил болгосон физикч Мордехай Вануну болон Өмнөд Африкийн хар арьст улстөрч эмэгтэй Уинни Мандела нар сонгогдож байжээ. АНУ-ын үндэсний аюулгүй байдлын агентлагийн ажилтан асан Э.Сноуден өнгөрсөн оны зургадугаар сараас хойш Орост түр орогнох эрхтэйгээр амьдарч байгаа билээ. АНУ-ын эрх баригчид Оросын эрх баригчдаас түүнийг хүлээлгэн өгөхийг шаардаж байгаа бол түүнийг тагнуулын үйл ажиллагаа явуулж, нууц мэдээллийг задруулсан хэрэгт буруутгадаг юм.

Show More

Related Articles

Leave a Reply

Your email address will not be published.

Close