“JPMorgan Chase” болон “S&P Global”-ийн гаргадаг дэлхийн аж үйлдвэрийн үйлдвэрлэлийн индекс 2022 оны долоодугаар сараас хойших дээд түвшинд хүрээд байна. Өөрөөр хэлбэл сүүлийн хоёр сар дараалан тэлэлтийн бүсэд байгаа юм.

Энэ нь жил орчим уналттай байсан аж үйлдвэрийн салбар эргэн сэргэж буйн дохио болж байна. Үүнд БНХАУ, АНУ зэрэг дэлхийн хоёр том эдийн засагтай гүрнүүдийн эдийн засаг эргэн сэргэсэн нь голлон нөлөөлж байгаа аж. Тодруулбал: энэ он гарсаар БНХАУ-д үйлдвэрлэл эрчимжсэн бол АНУ-ын үйлдвэрлэл өнгөрсөн гуравдугаар сард эрс эрчимжиж, 2022 оны есдүгээр сараас хойших дээд түвшинд хүрээд байна.

Ялангуяа  дэлхий дахинд аялал жуулчлалын салбар  эрчимжиж, хэрэглэгчдийн зарцуулалт нэмэгдэж байгаагаас аж үйлдвэрийн салбар уналтын үеэсээ гарч магадгүй гэж шинжээчид дүгнэж байгаа юм.

Эх сурвалж-GoGo.mn