Сиднейн нэгэн томоохон худалдааны төвд хүйтэн мэстэй этгээд 6 хүний аминд хүрч, 7 хүнийг гэмтээсэн олныг цочирдуулсан гэмт хэрэг гарсан билээ.
Тус хотын цагдаагийн газраас "Гэмт хэрэгтний гол бай эмэгтэйчүүд байсан нь тодорхой байна" хэмээн мэдэгджээ. Амиа алдсан хүмүүсийн 5 нь эмэгтэй бол нэг нь дэлгүүрийн 30 настай хамгаалагч эрэгтэй юм.
9 сартай охин хүнд шарх авсан ч яаралтай хагалгааны тусламжтайгаар амьд гарч, эмнэлэгт биеийн байдал хэвийн болж байгаа аж. Харамсалтай нь түүний 38 настай ээж гэмт хэрэгтний гарт амиа алдсан юм. Цагдаагийн газраас амиа алдсан иргэдийг мэдээлэхэд 47 настай Жэйд Янг, 55 настай Пикриа Дарчиа, 25 настай Даун Синглтон болон нэрийг нь дурдаагүй хятад иргэн байв.
Алуурчин өмнө нь цагдаа байсан ба 17 настайдаа сэтгэлзүйн асуудалтай болох нь оношлогдож байсан ч амьдралынхаа хугацаанд ямар нэгэн хэрэгт төвөгт холбогдон, баривчлагдаж байгаагүй нэгэн байжээ.
Эх сурвалж: GoGo.mn