#DOTA2 Отгондаваагийн "sanctity-" Сүхбатын тоглодог "Natus Vincere" баг "Clavision: Snow Ruyi" тэмцээний Playoffs-ын эхний тоглолтдоо хожигдлоо.

Clavision-ээс зохиож буй 500 мянган ам.долларын шагналын сантай "Clavision: Snow Ruyi" тэмцээн Хятадын Жанчхүү хотод үргэлжилж байна.

Дэлхийн шилдэг 10 баг хоёр хэсэгт хуваагдан өрсөлдөж буй тэмцээнд Отгондаваагийн "sanctity-" Сүхбатын тоглодог "Natus Vincere" баг урилгаар оролцож байна.

Natus Vincere Playoffs-ын дээд хүснэгтийн шөвгийн наймд Хятадын "Xtreme Gaming" багтай тоглож 2-1 харьцаагаар хожигдлоо.

• "Natus Vincere" хэсгийн дэд байраар Playoffs-т шалгарлаа
• Өнөөдөр эхлэх "RES Regional Series"-т Монголын хоёр баг оролцоно
• Өнөөдөр эхлэх "Elite League"-т Равдангийн "NARMAN" Нармандах оролцоно

Natus Vincere баг тэмцээний "A" хэсэгт "LGD Gaming", "Team Spirit" багуудын хамт багтсан бөгөөд хоёр хожил, хоёр хожигдолтойгоор хэсгийн хоёрдугаар байраар Playoffs-т шалгарсан юм.

Тэд ийнхүү хожигдсоноор доод хүснэгт рүү унасан бөгөөд маргааш 13:00 цагаас "Team Zero", "Azure Ray" багуудын хожсонтой тоглоно.